روائح العراق .. توجد فقط في العراق



عطرة انت يا رائحة العراق ٬ قبل أن تتلوثي بعبق البارود و دخان
المولدّات و سواقي السيان الراكد ٬ والأسوأ من كل ذلك هو نتن
المارقين.





أو الباگلا و بطنچ، لو شلغم و دبس. (خاصة اذا كانت قرب البارات الشعبية و يخبط وياهه ريحة الزحلاوي و أغاني يوسف عمر) !


رائحة عرباين اللبلبي الحار بالشتاء... 


رائحة الباسطرمة (مال موصل) وية بيض، ريوك يوم الجمعة. أويلي يابة! صدك رحمه الله والديه اللي اخترعهه للباسطرمة، ينرادله جائزة نوبل!.


 رائحة العاكول الرطب، خاصة في الطرق الخارجية. و إذا كان السفر شمالا فيضاف اليها رائحة بطيخ سامراء (أحلى من العسل)



رائحة حدائق البيوت بما فيها من راسقي و شبوي ليلي و قداح و روز دموي و قرنفل و حلك السبع وأشجار نارنج، و مرّات حتى الخيار التعروزي بالسواكي. و طبع لازم الياس عالأطراف!


و شاي ابو الهيل عالفحم، ووياههة صوت الزار و ضرب بولات الطاولي و الدومنة عالميوزة و أم كلثوم.




ر ائحة الكستانة المخلوطة مع الصوبة العلاء الدين خاصة اذا الشعلة مو كلش زركة.



 الخليط بين رائحة السمك المسكوف و رائحة الشط في أول ساعات المساء.


رائحة صابون غار الحسني و غار العيسى مع ماء السخان النفطي، و الليفة اللي تشيل طبقة الجلد.


رائحة الصمون الحجري المكسّب (مستحيل توصل للبيت كاملة، الكماعة تطير لو يجي القبيس!)


رائحة خليط الغداوات العراقية ذات الروائح المميز الخارقة الحارقة تفوح من الشبابيك مثل: بامية مع تمن عنبر و عكوس لحم غنم، تمن باكلة و شبنت، تمن جما لو تمن كلم الخ الخ




رائحة البخور المختلط مع رائحة ماء الورد في المراقد
المقدسة. تحس أنه الدعاء يصعد گبل.


0 comments:

Blog Tips
Blog Tips
2009@ سوالف عراقية

اشترك معنا في سوالف عراقية